Бишкекте дарыялардын жээгиндеги муздарды тазалоо иштери жүргүзүлүүдө

"Бишкексуучарба" муниципалдык ишканасы Ала-Арча жана Аламүдүн дарыяларынын жээгиндеги муздарды сындыруу, тазалоо иштерин жүргүзүүдө. Бул тууралуу бүгүн, 29-декабрда Бишкек мэриясынан билдиришти.

Маалыматка ылайык, Октябрь, Биринчи Май, Ленин райондорунда механикалык жана кол менен жүргүзүлөт.

Белгилей кетсек, Ала-Арча жана Аламүдүн дарыяларынын нугунда муз тыгыны пайда болушуна жол бербөө максатында профилактикалык иштер тынымсыз жүргүзүлүүдө.

"Урматтуу шаар тургундары! Негизги магистралдык каналдарга жана коллектордук-дренаждык тармактарга таштанды таштабоону жана шаардык кызматтын кызматкерлеринин эмгегин урматтоону суранабыз",-деп билдиришти мекемеден.

Автор: Айзада Кыдырмышева