2023-жылы Ошто 56 жаңы өнөр жай ишкана ачылды

2023-жыл ичинде Ош облусунун аймагында 56 жаңы өнөр жай ишканасы ачылды. Бул тууралуу президенттин Ош облусундагы өкүлчүлүктөн билдиришти.

Ага ылайык, 1000ге жакын жумуш орундары түзүлгөн.

Жалпысынан облустун өнөр жай тармагында 15 миллиард 931,3 миллион сомдук продукция өндүрүлгөн. Кызмат көрсөтүүлөр өткөн жылдын ушул мезгилине салыштырмалуу 2 миллиард 171,5 миллион сомго көбөйгөн.

"Ош облусунун өндүрүш тармагы быйыл туруктуу өсүштү жана олуттуу жетишкендиктерди көрсөттү. Тармактын келечектүү тенденцияларына таянып, кийинки жылы дагы да таасирдүү натыйжаларга жетиши күтүлүүдө",-деп айтылат маалыматта.

Автор: Айзада Кыдырмышева