Эмгек министрлиги тарабынан мигранттарга төлөнбөгөн эмгек акы алууга жардам берилди

Эмгек мигранттарына 31,8 миллион рубль төлөнбөгөн эмгек акы алууга жардам берилди. Бул тууралуу бүгүн, 5-январда Эмгек, социалдык камсыздоо жана мирация министрлигинен билдиришти.

Маалымдалгандай, 2023-жылы Эмгек, социалдык камсыздоо жана миграция министрлигинин Орусиядагы өкүлчүлүк тарабынан 465 эмгек мигрантына эмгек акы алууга көмөк көрсөтүлгөн.

"Төлөмдөрдүн жалпы суммасы 31,8 миллион рублди түзгөн.
Ошондой эле, 9289 миң кыргызстандыктар Орусиянын миграциялык мыйзамдарынын маселелери боюнча кеңештерди алышты",-деп айтылат маалыматта.

Автор: Айзада Кыдырмышева