Чүйдө ок атуу менен коштолгон мушташ болду

Чүй облусунун Панфилов районундагы Вознесеновка айылында жергиликтүү тургундар мушташып, жаңжал ок чыгаруу менен аяктады. Бул тууралуу Чүй облустук ички иштер башкы башкармалыгы билдирди.

Билдирүүгө ылайык, 4-январь күнү саат 01:00 чамасында "Ярмарка" дүкөнүнүн жанында буга чейин касташып келген эки жаран жаңжалдаша кеткен. Андан кийин 1996-жылы туулган жаран ТОЗ-16 мылтыгы менен 1991-жылы туулган жаранга ок чыгарган. Жабырлануучу алган жаракаты менен ооруканага түшкөн.

Аталган факты боюнча кылмыш иши козголгон. Учурда кылмышка шектүү кармалып, камакка алынды.

Тергөө иштери уланууда.

Автор: Азат Бейшенбеков