Баткенде аткезчилик жол менен уйларды алып чыгып бараткан жаран кармалды

Баткенден аткезчилик жол менен асыл тукум малды алып чыгып бараткан жаран кармалды. Бул тууралуу бүгүн, 8-январда Ички иштер министрлиги билдирди.

Маалыматка ылайык, 48 жаштагы К.С. аттуу жаран 8-январга караган түнү саат 03:00 чамасында Кызыл-Бел айылындагы Ганжак участкасынан коңшу өлкөгө 5 уйду айдап бара жатканда кармалган.

"Бул факты райондук милициянын маалыматтардын электрондук журналына катталып, текшерүү иштери жүрүүдө", - деп айтылат маалыматта.

Автор: Кылымбек Бейшеев
Фото: ИИМ