"25 миң долларлык унааны алган". Бишкекте алдамчылыкка шектүү жаран кармалды

Бишкекте ири өлчөмдөгү алдамчылыкка шектүү жаран кармалды. Бул тууралуу бүгүн, 8-январда Октябрь РИИБнен билдирди.

Маалыматка ылайык, 16-июнда милицияга М.Т. аттуу жаран арыз менен кайрылган. Арыз ээси Ж.А. аттуу жаран 13-майда анын ишеничине кирип, 25 миң доллар турган Toyota RAV4 унаасын сатып алам деп алганын айткан. Бирок кайтарып бербестен белгисиз тарапка изин жашырып кеткен.

Бул факты боюнча Кылмыш-жаза кодексинин 209-беренесине (Алдамчылык) ылайык кылмыш иши козголгон.

Кылмышка шектүү катары 1984-жылы туулган Ш.Ш. аттуу жаран кармалып, Бишкек шаарынын ИИББнын убактылуу кармоочу жайына киргизилген.

Учурда анын ушул сыяктуу кылмыш фактыларын жасоого катыштыгы бар экендиги аныкталууда.

Автор: Кылымбек Бейшеев
Фото: Октябрь РИИБ