Жалал-Абадда издөөдө жүргөн аял видеобайкоонун жардамы менен кармалды

Жалал-Абад шаарында издөөдө жүргөн жаран кармалды. Бул тууралуу бүгүн, 11-январда Ички иштер министрлиги билдирди.

Маалыматка караганда, адамдын жүзүн таануу функциясы бар видеобайкоо камераларынын жардамы менен Жалал - Абад облусунун тургуну Ш.Л. аттуу жаран кармалган.

Шектүү Кылмыш-жаза кодексинин 379-беренеси (документтердин жасалмасын жасоо, билип туруп жалган расмий документти пайдалануу) боюнча издөөдө жүргөн.

"Видеобайкоо камералары аны издөөдө жүргөн адам катары тастыктаган, ал кылмышка шектүү болуп, бирок качып жүргөн", - деп айтылат маалыматта.

Учурда тергөө иштери уланууда.

Автор: Кылымбек Бейшеев
Фото: ИИМ