Кыргызстандык альпинисттер Африкадагы Килиманжаро чокусун багындырды (видео)

Кыргызстандык альпинисттердин тобу Африкадагы эң бийик чоку делген Килиманжарону багындырды. Бул тууралуу Альпинизм федерациясынын президенти Эдуард Кубатов социалдык тармактардагы баракчасы аркылуу билдирди.

Анын айтымында, экспедициядагы 16 адам деңиз деңгээлинен 5 895 метр бийиктикте жайгашкан чокуга 10-январь күнү саат 5:42де жеткен.

"Бул жерде -23 градус суук. Аба ырайынын өтө катаал шарттарында көтөрүлдүк, бирок биз муну жасадык! Мен Килиманджарого төртүнчү жолу экспедиция уюштуруп жатам, бирок мындай бороон-чапкынды биринчи көрүшүм. Төрт күн бою жамгыр, кар жаады. Команда мыкты иш жасады", - деп жазган ал.