Төө-Ашууда көлөмү 4000 метр куб кар көчүп, бардык унааларга чектөө кирди

Бүгүн, 15-январда Төө-Ашууда көлөмү 4000 метр кубду түзгөн кар көчтү. Бул тууралуу Транспорт министрлигинен билдиришти.

Маалыматка караганда, көчкү бүгүн Бишкек - Ош жолунун 127 чакырымында, саат 13:50дө түшүп, Сосновка постунда унаалардын бардык түрүнө убактылуу чектөө киргизилди.

Учурда жеринде №9 Жол тейлөө ишканасынын кызматкерлери жолдон карды тазалоо иштерин жүргүзүүдө.

Мындан улам Транспорт министрлиги айдоочуларды жолго чыкпай турууга чакырып, жеринде тиешелүү Жол инспекторлор түшүндүрүү иштерин жүргүзүп жатат.

Кошумча маалымат берилет.

Автор: Арууке Амирдинова