«ПолитКлиника» медиасынын кабарчысы Тыныстан Асыпбек уулунун үйүнө милиция келип, тинтүү жүргүзүп жатат. Бул тууралуу «ПолитКлиника» медиасынын сайтында жазылды.
"Тыныстан Асыпбек уулуна жапырт башаламандык уюштуруу боюнча кылмыш иши козголду, тинтүү ошол кылмыш ишинин негизинде болуп жатат" деп жазылат маалыматта
Мындан тышкары социалдык тармакта «Айт, айт десе», «Темиров LIVE» долбоорлорунун директору Махабат Тажыбек кызы, журналист Сапар Акунбеков, Актилек Капаров, Сайпидин Султаналиевге укук коргоо органдарынын кызматкерлери келишкени айтылууда.
Бул боюнча Ички иштер министрлиги маалымат бере элек.
