Депутат 3 жашар баланы куткарган Бектурга Ыраазычылык кат тапшырды (видео)

Жогорку Кеңештин депутаты Эрулан Кокулов эрдик жасаган ӨКМнын куткаруучусуна Ыраазычылык кат тапшырды. Бул тууралуу Өзгөчө кырдаалдар министрлиги билдирди.

Маалыматка ылайык, бүгүн, 16-январда эл өкүлү аталган министрликтин Ош шаары боюнча башкармалыгынын өздүк курамы менен жолугушкан.

"Жолугушуунун алкагында патриоттук сезимдер менен кызмат өтөгөн жалпы куткаруучуларга ыраазычылык билдирип, ажатканага түшүп кеткен 3 жаштагы наристенин өмүрүн сактап калган ыкчам нөөмөт кызматынын улук нөөмөтчүсү, капитан Шамшиев Бектурга Ыраазычылык кат тапшырды", - деп айтылат маалыматта.

Эске салсак, 10-январда эрдик жасаган куткаруучуга ӨКМ кезексиз капитан аскердик наамын ыйгарганын билдирген. Окуя былтыр 20-сентябрда Оштун Кара-Суу районунунда катталып, Шамшиев ажатканага түшүп кеткен 3 жашар наристени алып чыккан.