Министр: "Кыргызстанда лицензициясы жок дарыканалар жабылат"

Бүгүн, 17-январдагы Жогорку Кеңештин жыйынында саламаттык сактоо министри Алымкадыр Бейшеналиев Кыргызстанда дарыканаларды текшерүү башталганын айтты.

Министр дары баасын көзөмөлдөгөнгө укугу жоктугун, мындан улам мамлекеттик "Эл аман" дарыканалары ачылганын билдирди. Ошондой эле ал мамлекеттик мекемелерде жайгашкан менчик дарыканалар чыгарыларын кошумчалады.

"Бүгүн менчик дарыканалардын дары сатууга лицензициясы бар-жогун текшерүү боюнча буйрук чыгардым. Уруксат кагазы жок иштеп жаткандары жабабыз", - деди Бейшеналиев.

Автор: Айпери Бакталбек кызы