Аламүдүн капчыгайында дайынсыз жоголгон Мухамедаалыны издөөгө дагы адамдар кошулду (жеринен сүрөттөр)

Чүй облусунун Аламүдүн капчыгайында дайынсыз жоголгон 28 жаштагы М уулу М аттуу жаранды издөө ишине чыккандардын саны 358 адамга жетти. Бул тууралуу бүгүн, 18-январда Өзгөчө кырдаалдар министрлигинен кабарлашты.

Маалым болгондой, издөө ишине чыккандардын 187си министрликтин куткаруучулары, Инсараг тобунун 5 куткаруучусу, 27 ыктыярчы, 139 ИИМдин кызматкерлери. Алардын курамында 5 кинолог бар экени айтылат.

"Издөөчүлөр ӨКМнын 11 дрону, Инсараг тобунан 4 дрон, ыктыярчылардан 3, жалпы 18 дрон менен иш алып барууда.

Мындан сырткары жалпы 20 техника тартылган", - деп жазылат анда.

Белгилей кетсек, 14-январь күнү Чүй облусунун Аламүдүн капчыгайында (Тёплые ключи) 1996-жылы туулган М.М.уулу дайынсыз жоголгон. Министр Бообек Ажикеев Аламүдүн капчыгайында дайынсыз жоголгон жаранды издөө ишинин жүрүшүнөн жеринен кабар алып, куткаруучулардын санын көбөйтүү тапшырмасын койгон.

Автор: Каныкей Амантаева
Фото: Өзгөчө кырдаалдар министрлиги