Кыргызстандагы аскер бөлүктө жоокерлерге зомбулук жасалган. Үч жетекчи кармалды

Коргоо министрлигинин аскер бөлүктөрүнүн биринин жооптуу кызмат адамдары тарабынан аскер кызматкерлерине карата зомбулук көрсөтүү фактылары аныкталды. Бул тууралуу Башкы прокуратуранын басма сөз кызматы кабарлады.

Аталган факты боюнча Кылмыш-жаза кодексинин 138-беренеси (уруп-сабап кыйноо) менен кылмыш иши козголду.

"Кылмыш ишинин алкагында зомбулук көрсөткөн аскер бөлүгүнүн 3 жетекчиси камакка алынды.
Учурда кылмыш иши боюнча тергөө амалдары жүргүзүлүп, кылмышка тиешеси бар башка жооптуу кызмат адамдары такталууда", - деп билдиришти Башкы прокуратурадан.

Башкы прокуратура кайсы аскер бөлүктүн жетекчилери кармалганын ачыктаган жок.

Автор: Азат Бейшенбеков