Кыргызстан менен Кытайдын чек арасында дагы бир ирет жер силкинди

Кыргызстан менен Кытайдын чек арасында күчү 4,6 баллга жеткен жер титирөө болгонун коңшу Казакстандын Tengrinews.kz басылмасы билдирди.

Маалыматка ылайык, жер титирөө бүгүн, 23-январь Бишкек убактысы боюнча саат 07:52де коңшу өлкөнүн Өзгөчө кырдаалдар министрлигинин сейсмикалык станциялары тарабынан катталган.

"Жер титирөөнүн очогу Алматы шаарынан 262 чакырым түштүк-чыгыш тарапта Кыргызстан менен Кытайдын чек арасында жайгашкан. Жер титирөөнүн күчү 4.6 балл", - деп айтылат маалыматта.

Буга чейин ӨКМ Кыргызстандын аймагында жер титирөө кайрадан кайталанат деген маалымат чындыкка дал келбей турганын билдирип, элди дүрбөлөңгө түшпөөгө чакырган.

Автор: Азат Бейшенбеков