Бокс боюнча курама команда Испаниядагы эл аралык мелдешке катышат

Өлкөнүн бокс боюнча улуттук курама командасынын мүчөлөрү Испаниянын Ла-Нусия шаарында өтө турган “Boxam” эл аралык мелдешине катышат. Бул тууралуу бүгүн, 24-январда Дене тарбия жана спорт департаментинен билдиришти.

Маалыматка ылайык, мелдеш 29-январда башталып, 4-февраль күнү жыйынтыкталат.

Курама команданын тизмеси:

- 51 килограмм Нуржигит Дүйшебаев;

- 57 килограмм Санжар Сейдакматов, Мунарбек Сейитбек уулу;

- 63 килограмм Мирзахид Имамназаров, Алмаз Орозбеков;

- 71 килограмм Нурадин Рустамбек уулу, Сыргак Абдыжапар уулу;

- 80 килограмм Сагын Сатыбалды уулу, Эркин Адылбек уулу;

- 86 килограмм Өмүрбек Бекжигит уулу;

- 92 килограмм салмакта Бакыт Токтосун уулу.

Курама команда улук машыктыруучу Улан Сагынбаев жана башкы машыктыруучу Данияр Төлөгөн уулунун жетекчилиги алдында мелдешке катышары айтылат.

Автор: Каныкей Амантаева
Фото: Дене тарбия жана спорт департаменти