"Үй жана тигүүчү цех толугу менен күйгөн". Сокулукта турак үй өрттөндү

Кечээ, 24-январда Чүйдүн Сокулук районунда турак үйдөн өрт чыкты.

Өзгөчө кырдаалдар министрлигинен билдиришкендей, Новопавловка айыл аймагынын Ак-Ордо-3 конушундагы үйдөн өрт чыгып, аны өчүрүүгө жалпысынан 4 бөлүм тартылган.

Тилсиз жоо саат 20:30да чектөөгө алынып, 22:31де толугу менен өчүрүлгөн.

"Кырсыктын кесепетинен жалпы аянты 250 чарчы метрди түзгөн турак үй, тигүүчү цех жана үй-тиричилик буюмдары толугу менен күйгөн. Мындан сырткары 3 газ баллону жарылган. Кырсыктан жабыркагандар жок", - деп жазылат анда.

Учурда өрттүн келип чыгуу себептери такталып жатканы айтылат.

Автор: Каныкей Амантаева
Фото: ӨКМ