Айбек Жунушалиев мыйзамсыз объекттерди демонтаждоо иштерин текшерди

Бишкек шаарынын мэри Айбек Жунушалиев Абдрахманов жана Киев көчөлөрүнүн кесилишиндеги мыйзамсыз объектилерди демонтаждоо иштеринин жүрүшү менен таанышты. Бул тууралуу бүгүн, 25-январда Бишкек мэриясынан билдиришти.

Маалым болгондой, жеңил конструкциялардан жасалган кошумча курулуш демонтаждалган. Жеринде Жер пайдаланууну контролдоо башкармалыгынын кызматкерлери жана "Тазалык" муниципалдык ишканасынын атайын бөлүмү иш алып барды.

Белгилей кетсек, кеңейтүүнүн бир бөлүгү өткөн жылы демонтаждалган, калган бөлүгүн үй ээси өзү бузууга милдеттенген. Бирок өз милдеттенмесин аткарган жок, ошондуктан демонтаждоо иштери кайра башталган.

"Жалпысынан 2023-жылы шаардагы мыйзамсыз курулуштарды алуу боюнча Жер пайдаланууну контролдоо башкармалыгы тарабынан 2 миң 337 эскертүү берилген. Анын ичинен 1883 билдирүү жеңил объекттерге, 269у капиталдык кошумча курулуштар, ошондой эле 185 билдирүү жарнама түзүмдөрүн талапка ылайык келтирүү боюнча", - деп айтылат маалыматта.

Ага ылайык, Бишкек мэриясы ижарачыларга жана чарба жүргүзүүчү субъекттерге жерди пайдалануу жана курулуш эрежелерин бузууга жол берилбестигин эскертет.

Автор: Айзада Кыдырмышева