Транспорт министрлигинде 1,2 миллиард сомдук каржылык мыйзам бузуулар аныкталды

Транспорт жана коммуникациялар министрлигинде жана анын ведомстволук бөлүмдөрүндө 1,2 миллиард сомдон ашык каржылык мыйзам бузуулар аныкталды. Бул тууралуу Эсеп палатасынын басма сөз кызматы кабарлады.

Маалымдагандай, 27-январда Эсептөө палатасынын кеңешинин жыйынында Транспорт жана коммуникациялар министрлигинин, анын ведомстволук бөлүмдөрүнүнүн жана мамлекеттик ишканалардын 2021-2022-жылдар аралыгына карата бюджеттин аткарылышына жүргүзүлгөн шайкештик аудиттин жыйынтыктары тууралуу отчёттор каралган.

Текшерүүнүн жыйынтыгы менен жалпы 1 миллиард 251 миллион 455,6 миң сомдук каржылык тартип бузуулар аныкталды:

Мамлекеттин бюджеттик системасынын бюджеттерин аткаруудагы бузуулар жана кемчиликтер 366 миллион 630,3 миң сом;
Мүлктү пайдалануудагы бузуулар жана кемчиликтер 57 миллион 283,3 миң сом;
Эсептин жана отчеттуулуктун тартибин бузуу 214 миллион 824,1 миң сом;
Мамлекеттик сатып алуулар мыйзамын бузуулар 612 миллион 670,5 миң сом;
Ченемдик укуктук актылардын жана эл аралык келишимдердин кагылышуусу жана процессуалдык бузулушу – 47,4 миң сом.

Автор: Кылымбек Бейшеев