Бишкектеги "Орто-Сай" базарында башаламан соода түйүндөрү жоюлду (фото)

Бишкекте жайгашкан "Орто-Сай" базарынын жанында 20 башаламан соода түйүнү жоюлду. Бул тууралуу бүгүн, 29-январда Бишкек шаардык мэриясынан билдирди.

Маалымдалгандай, Октябрь районунда "Орто-Сай" базарынын аймагында рейддик иш-чаралар өткөрүлдү.

Кызматкерлер тарабынан Юнусалиев көчөсүндөгү жайма базардын соодагерлерине түшүндүрүү иштери жүргүзүлүп, ошондой эле Сүйөркулов көчөсүндөгү 20дан ашык башаламан соода түйүндөрү иретке келтирилди.

Белгилей кетсек, рейддик иш-чаралар туруктуу негизде өткөрүлүп турат.

Автор: Арууке Амирдинова