Бишкектин Октябрь районунда 8 протокол каралып, 97 миң сомго айып пул салынды

Бишкектин Октябрь акимиатында административдик комиссиянын отуруму болуп, анда Бишкек шаарынын мэриясынын көрктөндүрүүнү контролдоо боюнча муниципалдык инспекциясы тарабынан түзүлгөн 8 протокол каралды. Бул тууралуу бүгүн, 29-январда Бишкек мэриясынан билдиришти.

Маалыматка ылайык, "Көрктөндүрүү эрежелерин бузуу" 114-берене боюнча 4 айып пул салынып, жалпы суммасы 52 миң сомду түздү. Ошондой эле 115-берененин 1-пунктуна ылайык, "Белгиленбеген жерлерге таштанды чыгаруу, өрттөө" боюнча 45 миң сом айып салынган.

Ал эми Укук бузуулар боюнча протоколдордун жалпы суммасы 97 миң сомду түздү.

Комиссиянын жыйындары бекитилген жобонун негизинде жума сайын өткөрүлөт.

Автор: Айзада Кыдырмышева