Эртең Бишкекте 3 800 абонент жарыксыз калышы мүмкүн

Эртең, 30-январда Бишкекте 3 800 абонент жарыксыз калышы мүмкүн. Бул тууралуу "Бишкек электр тармактары" ишканасы билдирди.

Ишкана эртең 3 800 абонент карызын төлөбөсө жарык берүү токтотуларын кабарлап, жарандарды өз убагында төлөөгө чакырды.

Ал эми жарандар электр энергиясына болгон карызы канча экенин билүү үчүн www.bipes.nesk.kg сайтындагы "Абоненттин балансы" бөлүмүнө кирсе болот. Мындан тышкары, абоненттер "Менин жарыгым" тиркемесин көчүрүп алып, карызын ал жактан карап төлөсө болот. Ошондой эле Сall-борборго 1209 номери аркылуу чалып же (0551) 001-209 WhatsApp номерине жаза алышат.

Карызды терминал, электрондук капчыктар, банк жана почта аркылуу төлөөгө болот.

Автор: Кылымбек Бейшеев