Бишкектин четиндеги айланма жолдо эки унаа сүзүшүп, айдоочу каза болду (видео)

Кечээ, 29-январь күнү Бишкекке жакын жердеги айланма жолдо жол кырсыгы катталды. Анын кесепетинен бир адам каза болгонун тиешелүү кызматтан билдиришти.

Маалымдалгандай, кырсык кечки саат 19:25тер чамасында болгон.

Бишкек - Нарын - Торугарт унаа жолунда 1995-жылы туулган Ж.А. аттуу айдоочу Тойта-Приус унаасы менен чыгыштан батышты көздөй бара жатып рулга ээ боло албай батыштан чыгышты көздөй келе жаткан оор жүк ташуучу Ситрак унаасын сүзгөн. Анын айдоочусу Кытай жараны 1982-жылы туулган А.Л. болгон.

Кырсыктын кесепетинен жеңил унаанын айдоочусу 29 жаштагы Ж.А. окуя болгон жерде каза болуп, анын эки жүргүнчусү ар кандай жараат менен Кант шаарындагы ооруканага жеткирилген.