"Бир адам каза болуп, дагы бири ооруканада". Казакстанда кыргызстандык жүк ташуучу унаалар жол кырсыгына кабылды

Казакстандын Караганда – Балхаш трассасында кыргыз номуру тагылган эки жүк ташуучу унаанын катышуусунда жол кырсыгы катталды. Бул тууралуу Кыргызстандын Тышкы иштер министрлиги билдирет.

Маалымдалгандай, кырсык кечээ, 1-февралда болгон.

"Кыргызстандын Казакстандагы элчилиги жергиликтүү бийлик менен болгон окуянын чоо-жайын тактап жатат", - деп айтылат билдирүүдө.

Кошумчалангандай, кырсыктын кесепетинен бир Кыргыз жараны каза болсо, дагы бири ооруканага жаткырылган.

"Элчилик окуянын чоо-жайын тактоо жана зарыл болгон учурда жабыркаган Кыргызстандын жарандарына зарыл жардам көрсөтүү иштерин улантат", - деп белгиленет маалыматта.

Автор: Максуда Кудайбердиева