Кыргызстан менен Кытайдын жогорку окуу жайлары креативдүү индустрия жаатында кызматташат

Кыргызстан менен Кытайдын жогорку окуу жайлары креативдүү индустрия жаатында кызматташууну мерчемдөөдө. Бул тууралуу бүгүн, 2-февралда Билим берүү жана илим министрлигинен билдиришти.

Маалыматка ылайык, Кыргыз делегациясынын Кытайга болгон иш сапарынын алкагында министр Догдуркүл Кендирбаева Шэньси провинциясынын аялдар федерациясынын төрайымы Ли Цин жана арт-дизайнер Фан Яньян менен жолугушту.

Тараптар Кыргызстандын жана Кытайдын жогорку окуу жайларынын креативдүү индустрияны өнүктүрүүгө катышуусун талкуулашкан.

"Делегация мүчөсү, Кусеин Карасаев атындагы Бишкек мамлекеттик университетинин проректору Гүлзат Исаматова менен арт-дизайнер Фан Яньянь арт көргөзмөсүн уюштуруу мүмкүнчүлүгүн карашты", - деп айтылат маалыматта.

Автор: Каныкей Амантаева
Фото: Билим берүү жана илим министрлиги