Ысык-Көлдө "Радуга WEST" пансионатынын мыйзамсыз курулган мончосу буздурулду (фото)

Ысык-Көлдөгү "Радуга WEST" пансионатынын мыйзамсыз курулган мончосу буздурулду. Бул тууралуу Архитектура, курулуш жана турак жай коммуналдык-чарба мамлекеттик агенттигинен билдиришти.

Маалымдалгандай, президенттин жарлыгын аткаруу максатында облустук Архитектура курулуш контролдоо башкармалыгы тарабынан берилген эскертме буйруктарына ылайык буздурулду.

Мыйзамсыз курулган мончо Ысык-Көл районунун Чоң-Сары-Ой айыл өкмөтүнүн Чоктал айылындагы "Радуга WEST" пансионатында жайгашкан.

Автор: Арууке Амирдинова