Эскертүү! Бишкек менен Чүйдө жакынкы сааттарда катуу шамал болот

Бишкек менен Чүйдө жакынкы сааттарда катуу шамал болот. Бул тууралуу бүгүн, 7-февралда Өзгөчө кырдаалдар министрлиги эскертип, шашылыш билдирүү таратты.

"Жакынкы бир саат аралыгында жана кечинде Бишкек шаарында жана Чүй өрөөнүндө катуу шамал болот. Батыштан соккон шамалдын ылдамдыгы секундасына 15-20 метрге жетет", - деп айтылат билдирүүдө.

Буга байланыштуу министрлик шаардыктарды этият болууга чакырат жана шамал болгон кезде коопсуз жайларда болуу керектигин эскертет.

Автор: Максуда Кудайбердиева