Милиция жарандарды интернет алдамчыларынан сак болууга чакырып, шылуундардын кылтактарын тизмектеди (видео)

Жалал-Абад ОИИБдин басма сөз кызматы тарабынан жарандарды интернет алдамчыларынан сак болууга чакырган видеоролик даярдалды.

Анын мазмунунда социалдык тармактар аркылуу жарнамаланган өтө арзан баадагы буюмдарды сатып алууда этият болуу керектиги эскертилет. Ижарага арзан батир, соода жайын, түрдүү каражаттарды берерин убада кылган номерлерден, жоголгон документтерди таап алганын айткандардан дагы этият болуу зарылдыгы камтылат.

Ошондой эле жарнама кылган аккаунттун фейк эместигине маани берүү керектиги белгиленет.