Бишкекте уурулукка шектелген жаран кармалды

Бишкекте уурулукка шектүү жаран кармалды. Бул тууралуу Ленин РИИБинен билдирди.

Маалыматка караганда, былтыр 23-июнда милицияга Ш.А. аттуу жаран арыз менен кайрылган. Ал белгисиз адамдар түн ичинде калаадагы Репин көчөсүндө жайгашкан үйүнө кирип, 50 миң сом турган зер буюмдарын уурдап кеткенин айткан.

Аталган факты боюнча Кылмыш-жаза кодексинин 205-беренесине (Уурдоо) ылайык кылмыш иши козголгон.

Шектүү катары 15-февралда 1995-жылы туулган З.Ш. аттуу жаран кармалып, убактылуу кармоочу жайга киргизилген.

Учурда тергөө иштери уланууда.

Автор: Кылымбек Бейшеев
Фото: Ленин РИИБ