"25 градус суук болот". Эртеңки күнгө карата аба ырайы

Эртең, 18-февралда түнкүсүн Ош, Баткен облустарынын көпчүлүк аймактарында, Жалал-Абад облусунун айрым жерлеринде кар жаашы күтүлөт, Чүй, Талас, Ысык-Көл, Нарын облустарында жаан-чачын күтүлбөйт.

Күндүз Ош, Баткен облустарынын көпчүлүк аймактарында, Жалал-Абад, Нарын облустарынын айрым жерлеринде, Талас, Ысык-Көл облустарынын тоолуу райондорунда кар жаайт. Талас, Ысык-Көл облустарынын дыйканчылык аймактарында жана Чүй облусунда жаан-чачын болбойт. Айрым жерлерде туман түшөт.

Жолдор тоңголок, тайгак болот.

Абанын температурасы:

Чүй облусунда түнкүсүн -18…-23, күндүз -4…-9 градус,

Талас жергесинде түнкүсүн -20…-25, күндүз -5…-10 даража болсо,

Баткен, Ош, Жалал-Абад аймактарында түнкүсүн -5…-10, күндүз -4…+1ге чейин жетет.

Ысык-Көл өрөөнүндө түнкүсүн -10…-15, күндүз -2…-7,

Нарын өрөөнүндө түнкүсүн -6…-21, күндүз -3…-8.

Ал эми борбор калаа Бишкекте жаан-чачын күтүлбөйт, туман түшүшү мүнкүн. Абанын температурасы түнкүсүн -18…-20, күндүз -4…-6 градус.

Автор: Максуда Кудайбердиева
Фото: Максуда Кудайбердиева