Бишкектеги интернет клубда 14 миң сомдук наушник уурдалган. Окуя видеого түшүп калды

Бишкекте уурулукка шектүү кармалды. Бул тууралуу бүгүн, 20-февралда Ленин РИИБинин баса сөз кызматы билдирди.

Маалыматка ылайык, былтыр 28-январда милицияга Р.Т. аттуу жаран арыз менен кайрылган. Ал ошол күнү саат 06:40 чамасында белгисиз адам Ч.Айтматов проспектисинде жайгашкан интернет клубдун ичинен 14 миң сомдук Haynes үлгүсүндөгү наушникти уурдап кеткенин айткан.

Аталган факты боюнча Кылмыш-жаза кодексинин 205-беренесине (Уурдоо) ылайык кылмыш иши козголгон.

Шектүү катары 1986-жылы туулган Ж.Э. аттуу жаран кармалып, убактылуу кармоочу жайга киргизилген.

Тергөөнүн жүрүшүндө шектүү мурда уурдалган наушникти өз ыктыяры менен кайтарып берген.

Учурда тергөө иштери уланууда.