Лейлекте милиция кызматкерлери кар көп жааган жолдорду тазалоодо (фото)

Баткен облусунун Лейлек районунда милициянын көчмө кабылдамасынын кызматкерлери жергиликтүү жол кызматына көмөктөшүп, жолдорду кардан тазалоодо. Бул тууралуу Баткен ОИИБдин басма сөз кызматынан бүгүн, 20-февралда билдирди.

Маалымдалгандай, Лейлек РИИБдин башчысынын демилгеси менен милиция кызматкерлери жарандардын жана жол коопсуздугун камсыздоо максатында кар калың жааган аймактардын жолдорун тазалап жатышат.

Алсак, тоолуу Сумбула айыл аймагындагы айылдарды, Кулуңду, Чимген, Самат, Кара-Булак айылдарында жана Раззаков шаарындагы көчөлөргө кум себилип, карлардан тазалоо иштери жүрдү.

Автор: Арууке Амирдинова