Бишкек мэри Түрк маданияты жана мурасы фондунун президенти менен жолугушту

Бишкек шаарынын мэри Айбек Жунушалиев Түрк маданияты жана мурасы фондунун президенти Актоты Раимкулова менен жолугушту. Бул тууралуу бүгүн, 20-февралда калаа мэриясынан кабарлады.

Маалыматка ылайык, анда тараптар Бишкек шаарында жайгашкан Алыкул Осмонов атындагы үй-музейди реставрациялоо жана музейдин долбоорун, борбор калаанын мэриясы менен Түрк маданияты жана мурасы фондунун ортосундагы меморандумга кол коюуну талкуулашты.

Мэр муниципалитет фонд менен биргелешкен инфраструктуралык долбоорлорду ишке ашырууда келечектүү кызматташууга ачык экендигин белгиледи.

Автор: Бек Оморбеков