
Оштун Араван районунда сел өтүүчү каналда тазалоо иштери жүргүзүлүүдө. Бул тууралуу Өзгөчө кырдаалдар министрлигинен билдиришти.
Аталган жумушту ӨКМнын Ош облусу боюнча башкармалыгы жүргүзүп жатат. Ага ылайык, Араван районунун Төө-Моюн айыл өкмөтүнүн Жеке-Мисте айылындагы 1500 метр аралыкта сел өтүүчү каналын тазалоо жумуштары аткарылууда.
"Ал үчүн министрлик тараптан атайын техника тартылып, күйүүчү май менен камсыздалган. Аткарылган жумуштун натыйжасында Жеке-Мисте айылындагы 200дөн ашык турак-жай жана 14 гектар үлүш жерлер корголот", - деп айтылат маалыматта.