Садыр Жапаров Орусияда уюштурулган "Келечектин оюндарынын" ачылышында кыргызча кайрылды

Кечээ, 21-февралда Орусиянын Казань шаарында уюштурулуп жаткан “Келечектин оюндарынын” ачылыш аземине алты мамлекеттин лидерлери катышып

, ар бири спортчуларга эне тилдеринде кайрылды.

Анда өлкө башчы Садыр Жапаров спортто күчтүүлөр гана жеңерин айтты.

"Спорт - дүйнөнүн элчиси, спорт бул ден соолуктун булагы деп жөн жеринен айтылган эмес. Баарыңыздарга биринчи кезекте ынтымак, экинчи кезекте ден соолук каалайм. Спортто дайыма күчтүүлөр жеңет, күчтүүңөр жеңгиле. Баарыңарга ийгилик каалайм", - деди Жапаров.

Ал эми коңшу өлкөнүн президенти Касым-Жомарт Токаев казакча сүйлөп, кийинки оюнду Казакстанда өткөрүүнү сунуштады.

Турнирге 107 өлкөдөн келген 270тен ашык команда жана 2000ден ашуун спортчулар катышууда.

Бүгүн, 22-февралда мамлекет башчысынын Орусияга болгон сапары аяктап, Бишкекке кайтып келди.