Камчыбек Ташиев Штефан Таркович менен жолугушту

Кыргыз футбол союзуна жаңы президент болуп шайланган Камчыбек Ташиев улуттук кураманын башкы машыктыруучусу Штефан Таркович менен жолугушту. Бул тууралуу Кыргыз футбол союзу кабарлады.

Жолугушуу бүгүн, 22-февралда болгон. Анда КФС президенти жана башкы машыктыруучу Улуттук курама команданын 2026жылы тө турган Дүйнө чемпиондугунун квалификациялык оюндарына болгон даярдыгын талкуулашкан.

19-февралда өткөн маалымат жыйында Камчыбек Ташиев Штефан Таркович боюнча дагы оюн айткан. Анда Ташиев машыктыруучуларды тез-тез алмаштырбай, тескерисинче аларга шарт түзүп берүү маанилүү экендигин белгилеген.

Автор: Азат Бейшенбеков