Бишкекте телефон аркылуу алдамчылык кылган 19 жаштагы жигит кармалды

Бишкекте телефон аркылуу алдамчылык кылган жаран кармалды. Бул тууралуу бүгүн, 27-февралда Ички иштер министрлиги билдирди.

Маалыматка ылайык, Т.Р. аттуу жаран Биринчи Май РИИБине арыз менен кайрылган. Анда жабырлануучуга 11-январда WhatsApp мобилдик тиркемеси аркылуу белгисиз адам телефон чалып, өзүн Мбанктын кызматкери катары тааныштырып, ага коопсуздук маселесине көмөк көрсөтүүнү сунуштаган.

Ошол учурда жабырлануучунун эсебинен 1 миң 400 доллар жоголуп, анын тиркемеси аркылуу эки банктан 119 600 сом болгон насыя алынган. Жабырлануучуга жалпы 244 643 сом зыян келтирилген.

Шектүү 2005-жылы туулган Т.Ж. аттуу жаран 25-февралда кармалып, камакка алынган.

Учурда тергөө иштери уланууда.

Автор: Кылымбек Бейшеев
Фото: ИИМ