"Кыргызжылуулукэнерго" мамлекеттик ишканасынынын филиалдарындагы 30 даана отказанды жаңылоо пландалууда. Бул тууралуу Энергетика министрлиги кабарлады.
Маалым болгондой, "Чүй адистештирилген көчмө механикалык колоннасы" тарабынан ишкананын Беловодск, Нарын, Каракол, Жалал-Абад, Таш-Кɵмүр, Кара-Кɵл филиалдарына ар кандай кубаттуулуктагы 24 даана отказан жасалып, аларды орнотуп берүү иштери пландалган.
Ага ылайык, 6 даана отказан Орусиядан сатып алуу пландалып, Кара-Балта филиалына 3, Токмок филиалына 1, Талас филиалына 1, Майлуу-Суу филиалына 1 ди отнотуу каралган.
Бул иштер 2024-2025-жылдардын күз-кыш мезгилине карата жүргүзүлөт.