Ысык-Көлдүк тургундун сарайынан мыйзамсыз сакталган курал табылды

Түп районунда мыйзамсыз сакталган курал табылды. Бул тууралуу бүгүн, 28-февралда Ысык-Көл ОИИБинин басма сөз кызматы билдирди.

Маалым болгондой, облустук милициянын туристтик-экологиялык кызматкерлери ок атуучу куралдарды мыйзамсыз сактоо боюнча операция жүргүзүшкөн.

Ага ылайык, 27-февралда Түп районунун Кичи-Өрүктү айылынын 1985-жылы туулган М.М. аттуу тургунунун үйүнө тинтүү жүргүзүлүп, анын сарайынан 12 калибрдеги сайсыз ок атуучу курал табылган.

Бул факты Түп РИИБинин маалымат электрондук журналына катталып, соттук-баллистикалык экспертиза дайындалган.

Учурда текшерүү иштери жүрүп жатат.

Автор: Кылымбек Бейшеев
Фото: Ысык-Көл ОИИБ