Баткенде унаа оңдоочу жайда аккумулятор уурдап жүргөн жаран кармалды

Баткен шаарында унаа оңдоочу жайлардан уурулук кылып жүргөнгө шектелип 42 жаштагы жаран кармалды. Бул тууралуу Баткен облустук ички иштер башкармалыгы билдирди.

Милициянын маалыматына ылайык, Баткен шаарындагы унаа оңдоочу жайларда оңдотууга таштаган унаалардын аккумулятору жана башка тетиктери уурдалып жатканын билдирип Кадамжай, Баткен районундарынын тургундары арыз менен кайрылган.

Бул арыздар катталып, сотко чейинки өндүрүш иши башталган.

Ыкчам иликтөө иш-чаралары жүргүзүлүп, Баткен шаарынын 42 жаштагы Р.А. аттуу тургуну кармалды.

Кылмышка шектүү Р.А. уурдалган далил буюмдарды сактап койгон жери аныкталып, алынды.

Кармалган жаран тергөө кызматына камсыздалып, учурда тергөө иштери жүрүп жатат.

Автор: Азат Бейшенбеков