Дастан Лепшаков бильярд боюнча Дүйнө чемпиондугунда коло медаль утту

Бишкекте өтүп жаткан бильярд боюнча Дүйнө чемпиондугунда Дастан Лепшаков 3-орунду ээледи. Бул туралуу Дене тарбия жана спорт департаментинен билдиришти.

Маалыматка ылайык, кыргыз спортчусу чейрек финалда орусиялык Артем Баловду артта калтырып, жарым финалдык беттеште ошол эле орусиялык Никита Володин аттуу спортчуга жеңилип калган.

Жыйынтыгында 3 орунду камсыз кылып, коло медаль тагынды.

"Бишкекте өтүп жаткан бильярддын “айкалыш пирамида” түрү боюнча Дүйнө чемпиондугу 27-февраль күнү башталган. Ал эми жыйынтыктоочу финалдык оюндар бүгүн, 2-мартта өтөт", - деп айтылат анда.

Автор: Каныкей Амантаева