"Каракол" эл аралык аэропортунун курулушунун 80 пайызы аяктап калды

Аймактык аэропорттордун курулуш иштери текшерилди. Бул тууралуу "Манас" эл аралык аэропортунун маалымат кызматынан билдиришти.

Маалыматка ылайык, аэропорттун жетекчиси Манасбек Самидинов иш сапары менен Ысык-Көл облусунда орун алган "Ысык-Көл" эл аралык аэропортуна барып жаңы курулуп жаткан аэробекеттин курулушу менен таанышты.

"Жаңы курулуп жаткан аэропортто курулуш иштери өз убагында аткарылууда. Анын курулушунун 80 пайызы бүттү. Аба ырайы жылыса, учуп-конуу тилкесинде - курулуш иштери кайра жанданат",- деп айтылат маалыматта.

Автор: Айзада Кыдырмышева