Бишкек-Ош унаа жолун оңдоого 456 миллион доллар жумшалды

Бишкек-Ош автоунаа жолунун 630 чакырымын оңдоого 456 миллион доллар жумшалды. Бул тууралуу Финансы министрлиги кабарлады.

Маалыматка караганда, өлкөнүн түндүк жана түштүк аймактарын бириктирген жолго 456,7 миллион доллар каралып, 630 чакырым жолу реконструкцияланган. Анын 80,8 миллион доллары мамлекет тарабынан бөлүнсө, тышкы донорлордон грант түрүндө 35 миллион доллар, кредит түрүндө 341,7 миллион доллар тартылган.

"Бишкек-Ош унаа жолун реабилитациялоо өлкөдөгү жол инфраструктурасын өнүктүрүү жаатындагы биринчи долбоор болуп эсептелет", - деп айтылат маалыматта.

Автор: Кылымбек Бейшеев