Бишкекте адам уурдоого шектүү жаран кармалды

Бишкекте адам уурдоого шектүү карамалды. Бул тууралуу бүгүн, 5-мартта Ленин РИИБинен билдирди.

Маалыматка караганда, 26-июнда милицияга Б.А. аттуу жаран арыз менен кайрылган. Ал ошол эле күнү аны белгисиз адамдар Toyota Wish үлгүсүндөгү унаага салышып, Ак-Ордо конушуна алып барып ур-токмокко алышканын айткан.

Бул факты боюнча Кылмыш-жаза кодексинин 165-беренесине (Адам уурдоо) ылайык кылмыш иши козголуп, бардык экспертизалар дайындалган.

Шектүү катары 2004-жылы туулган Т.Ы. кармалып, убактылуу кармоочу жайга киргизилди.

"Бул кылмышка тиешеси бар калган адамдар буга чейин кармалып, аларга карата козголгон кылмыш иштери сотко жөнөтүлгөн", - деп айтылат маалыматта.

Автор: Кылымбек Бейшеев
Фото: Ленин РИИБ