Долондо 145 миң куб кар көчкү атып түшүрүлдү (фото)

Бүгүн, 7-мартта Бишкек – Нарын – Торугарт унаа жолунун 293-чакырымындагы №4 жана №5 тилкелеринде артиллериялык эсеп колдонулуп, натыйжада 145 миң куб көлөмүндөгү кар көчкү түштү. Бул тууралуу Өзгөчө кырдаалдар министрлиги билдирди.

Аталган унаа жолдо кар көчкүнү мажбурлап түшүрүү иши аяктады.

Ал эми Ысык-Көл облусунун Каракол – Эңилчек унаа жолунун 45-90-чакырымында кар көчкүнү атып түшүрүү эртең, 8-март күнү жүргүзүлөт.

Мындан улам, Өзгөчө кырдаалдар министрлиги зарылчылык болбосо алыскы сапарга чыгуудан баш тартууну сунуштайт!

Унаалардын ортосундагы 500 метр аралык чектелиши зарыл.

Автор: Азат Бейшенбеков