Бишкекте 24 жаштагы жаран 35 миң миң долларды алдоо жолу менен алганга шектелүүдө

Бишкекте ири алдамчылыкка шектелген жаран кармалды. Бул тууралуу бүгүн, 12-мартта Биринчи Май РИИБинин басма сөз кызматы билдирди.

Маалыматка ылайык, былтыр 30-июлда милицияга Т.Д. аттуу жаран арыз менен кайрылган. Ал М. аттуу бала 2023-жылдын май айында Медеров көчөсүнөн жолугуп, телефондорду сатып алып келип берем деген убадасы менен анын 35 миң долларын алып кеткенин айткан. Кийин шектүү убадасын аткарбай кеткен.

Бул факты боюнча Кылмыш-жаза кодексинин 209-беренесине (Алдамчылык) ылайык кылмыш иши козголгон.

Шектүү катары 2000-жылы туулган Т.М. аттуу жаран кармалып, убактылуу кармоочу жайга киргизилген.

Учурда анын ушул сыяктуу кылмыш иштерин жасоого катыштыгы бар экендиги аныкталууда.

Автор: Кылымбек Бейшеев
Фото: Биринчи май РИИБ