Эми кызамыкка каршы эмдөөнүн экинчи дозасы 2 жаштан сайылат

Кызамыкка каршы вакцинанын экинчи дозасы менен эмдөө 6 жаштан 2 жашка жылдырылды. Бул тууралуу Саламаттык сактоо министрлигинен маалымдады.

Министрлик билдиргендей, кызамык вирусунун жугушун үзгүлтүккө учуратуу жана анын андан ары жайылышын алдын алуу боюнча чукул чаралар көрүлдү.

Өлкөдө кызамык оорусу боюнча кырдаал курч бойдон калууда. Быйыл 12-мартка карата 5 миң 446 учур катталган. Былтыр катталган учурлардын саны бүткүл мезгил ичинде 7046га жетип, 9 бала каза болгон.

Автор: Бурул Турусбекова