Чүйдө социалдык тармак аркылуу экстремисттик материалдарды таратканга шектүү кармалды

Чүй облусунун Панфилов районунда “Хизб ут-Тахрир” диний-экстремисттик уюмунун мүчөсү кармалды. Бул тууралуу бүгүн, 15-мартта Чүй ОИИБинин басма сөз кызматынан билдиришти.

Маалыматка ылайык, ИИМдин Экстремизмге жана мыйзамсыз миграцияга каршы аракеттенүү кызматы тарабынан Фейсбукта өлкөдө тыюу салынган “Хизб ут-Тахрир” уюмуна тиешелүү материалдарды таратуу менен алектенген баракча аныкталган.

Алынган материалдар соттук экспертизанын корутундусуна ылайык "Хизб ут-Тахрир" диний-экстремисттик уюмуна таандык экендиги тастыкталаган.

Бул факты боюнча Кылмыш-жаза кодексинин 332-беренеси (Экстремисттик материалдарды даярдоо, таратуу) менен кылмыш иши козголгон.

Ыкчам издөө иш-чараларынын жүрүшүндө 1986-жылы туулган Р.А. аттуу Кант шаарынын тургуну аныкталып, тергөө кызматына жеткирилген.

Учурда тергөө амалдары уланууда.

Автор: Айпери Бакталбек кызы
Фото: Чүй ОИИБ