Түптө мыйзамсыз курулган объектилер аныкталды

Мамкурулуш агенттигинин директору Нурдан Орунтаев Ысык-Көл облусуна иш сапар менен барды. Бул тууралуу бүгүн, 16-мартта аталган мекемеден билдиришти.

Маалымдалгандай, иш сапардын жүрүшүндө Орунтаев президенттин Ысык-Көл облусундагы ыйгарым укуктуу өкүлү Уланбек Далиев менен биргеликте Түп айылын кыдырып, мыйзамсыз курулуштарды жана объектилерди аныкташты.

Иш-чаранын жүрүшүндө бир катар мыйзам бузуулар катталган.

"Мыйзамдардын сакталышы жана жакшыртуу стандарттары боюнча Мамкурулушка караштуу башкармалыктарга жана жергиликтүү бийлик өкүлдөрүнө аныкталган мыйзам бузууларды жоюу жана көрктөндүрүү боюнча сунуш, тапшырмалар берилди", - деп айтылат анда.

Автор: Каныкей Амантаева