Айдоочуларга эскертүү! Бишкек-Ош унаа жолунда кар көчкүлөр мажбурлап түшүрүлөт

Бүгүн, 18-март күнү ӨКМнын жана Коргоо министрлигинин кызматкерлери Бишкек — Ош унаа жолунун Чүй облусунун аймагында кар көчкүнү мажбурлап атып түшүрүү ишин жүргүзүшөт. Бул тууралуу ӨКМден билдиришти.

Ага ылайык, кечээ, 17-мартта Бишкек — Ош унаа жолунун кар көчкү түшүү кооптуулугу бар төмөнкү тилкелеринде артиллериялык эсепти колдонуу менен жумуш жүргүзүлдү.

Алар:

- 223-чакырымында (Шаркыратма тилкеси) кар көчкү түшкөн эмес;

- 227-чакырымында (Шаркыратма тилкеси) көлөмү 46 миң 910 метр куб кар көчкү;

- 222-чакырымында (Ала-Бел тилкеси) 8 миң 820 метр куб жалпы көлөмү 161 миң 130 метр куб кар көчкү түшүрүлгөн.

Түшкөн кар көчкүлөр унаа жолго жеткен эмес.

"Урматтуу жарандар! Кар көчкүлөрдү мажбурлап түшүрүүдө унаа жолдо маал-маалы менен чектөө киргизилип турат.

Мындан улам жарандарды абалды туура түшүнүү менен кабыл алууну жана сак болууну чакырабыз",-деп айтылат маалыматта.

Автор: Максуда Кудайбердиева.